Vo Groossreeet, (z'viil) Gschwätz und Paragrafe im Root-Huus

Auch «D'Schwätzer» waren während der Fasnacht uf dr Gass. Hinter dem Schyssdräggziigli vom Fasnachtszyschtig steckten rund zwanzig Grossratsmitglieder - eine Premiere. Als passendes Requisit begleitete die parteipolitisch bunt gemischten Schwätzer ein Paragrafen-Baum.

fasnacht schwaetzer 2017
Schyssdräggziigli des Grossen Rates © ZVG

 

Der Schwätzer-Zeedel (Värslibrünzler angeblich ein langjähriger Ex-FDP-Grossrat) plaudert Bitterböses aus über einzelne Speezis im Root-Huus, Stau am Rednerpult und d'Basler Bardeye:

D Schwätzer gehn, wie kaa s nit anderscht sy
im Root-Huus allewyl uss und yy!
S het drunter Spitze-Lyt, Lufthyyler wie au Sässelglääber
zem groosse Gligg fir der neyi Root aber nimm der .....!

Iiber ainzelni Groossreet no meh z schrybe
daas wänn mir nit, daas leen mir blybe!
Wenn mir aber scho versueche e weeneli z dichte
wänn mir Eych ainewääg vo gwisse Speezis brichte:

 

fasnacht paragrafenbaum b350
Zem Byschbyl die wo unbedingt no an s Reednerpult wänn
drotzdämm sii zem Gschäft gaar nyt meh Neys z saage hänn!

Ihr Motto luttet "Y will nit verlängere", es duet mir laid,
aber ich hätt halt au gärn noonemool fascht s Glyche gsait!

Im Groosse Root sitze Lyt, e soo sinn sii nit graad Spitze,
wo nit meerge, dass sii am Ascht sääge, wo sii druff sitze!

Maischtens isch der Groossroots-Saal fascht halber läär
daas z verstoh isch fir d Wähler hailoos schwäär
isch s ihr Aaaliige an d Groossreeet meh Bräsänz z markiere
daas gilt au fir die 7 Lyt wo unseri Stadt regiere!

fasnacht d schwaetzer II b350 h 250

Waas d Wählerschaft au gaar nit kaa verstoh
wievyyl Lyt der Root dien vorzytig verloo!
Derzue kemme denn no die bsundre andere
wo vo ainer Bardey zur andere wandere!

E kuurze Bligg uff d Bardaye gheert au doo aane
Es gääb zwaar no vyyl meh z brichte, nundefaane!

D Mitti-Bardey CVP findet laider d Mitti nimme
sii dien allewyl meh fir „Root / Grien“ abstimme!

Bii der SP gilt bim abstimme numme glaar linggs und joo au loyaal
drumm gehn SP-Lyt mit ere andre Mainig denn lieber uss em Saal!

D FDP het gmaint, sii syg so guet in Foorm, joo persee
drumm duet ihre ihr schlächts Wahlresultat so hailoos weh!

fasnacht dschwaetzer III b350 h250
Zugchefin Katja Christ und Ratspräsident Joël Thüring 

Bii de Griene gits mängmool au e Hoffnigsschimmer
doch BastA macht denn laider alles wiider schlimmer!

Mit ere Kandidate-Lischte mit vyyl stadtbekannte Nämme
bikemme die Lyberaale hailoos vyyl meh Stimme zämme!

Iiber d GLP e Värsli z mache
wäär eher druurig statt zem lache!

E junge SVP-Maa duet jetzt im Groosse Root zooberscht sitze
Sy SVP-Vorgänger deert isch im Sudoku gsii ainsaami Spitze!

Zum Schluss non e baar „Regierigsreet-Väärs“
Mir wintschen e scheeni Fasnacht, so daas wäär s!

Der Baschi und sy Kommandant mien stärgger aanestoh
und zem Byschbil die Saubannerziig nimm durreloo!
Au muess sich der Bolizeydiräggter aifach meh wehre
wenn gwissi Kolleege der flissig Verkehr wänn steere! 

fasnacht mutschler b350 h250

Es git Entschaid vom Vorsteher vom Baudepartement
die sinn scho unglaublig und fir d Stadt laider eminänt!

Bii der USR III dien vyyli Biirgerligi d Frau Herzog loobe
derfir dien sii bii ihrer Aigemietwärt-Erheehig so richtig toobe!

Waas me sich bim Noofolger vom Christoph Eymaa scho frooge kaa
isch der Conradin Cramer emänd nit sogaar au no der scheener Maa?!

Der Lukas und der Thomas, d Sanideetsdiräggtoore vo Stadt und Land
Sii, die dien mitenander reede und gänn sich sogaar erscht no d Hand!

Der Christoph Brutschin isch, me seht s bim Thema Mehwääg-Fläsche,
bim bolyitisiere und sich winde wirgglig mit allne Wasser gwäsche!

Der Start fir d Elsbeth Aggermaa wird sicher sy nit schwäär
d Resultat-Lischte vo ihrem Vorgänger isch jo fascht läär!
Derfir wird sii ihr Departemänt bees miesse under d Luppe näh
es daarf nimm soo vyyl Dobbelspuurigkaite und z vyyl Stelle gää!

Wenn me d Fotti aaluegt vom neye Regierigsroot
het fascht niemerts en Aaleegi wo ihm au stoht!

Als Regierigs-Reetene hätt sii scho miesse ihr Verhalte ussloote
jetzt kaa s Heidi wyter demonstriere mit de schlimme Chaoote!

Fir in s Elsass deerfe fahre, es isch wirgglig e Hohn,
verschänggt schynts d BVB an uns verbyy e Mylioon!

D'Schwätzer

Organisationskomitee: Grossratsmitglieder Salome Hofer und Christophe Haller. Fotos: Grossrätin Beatrice Isler und Martina Rutschmann